ಕಲಿ

ಪ್ರಪಂಚದ ವಿವಿಧ ವಾಯುಗುಣ ಪ್ರದೇಶಗಳು ಕೆಂಪು - ಸಮಭಾಜಕ ವೃತ್ತ ವಾಯುಗುಣ ಹಳದಿ - ಉಷ್ಣ ವಾಯುಗುಣ  ಹಸಿರು - ಸಮಶೀತೋಷ್ಣ ವಾಯುಗುಣ ನೀಲಿ - ಶೀತ ವಾಯುಗುಣ ಸಮಭಾಜಕವೃತ್ತ ವಾಯುಗುಣ ಈ ವಲಯವು ಸಮಭಾಜಕವೃತ್ತದಿಂದ ಉತ್ತರ ಮತ್ತು ದಕ್ಷಿಣದ ಕಡೆಗೆ 10 ಡಿಗ್ರಿ ಅಕ್ಷಾಂಶದವರೆಗೆ ಹರಡಿದೆ. ಸೂರ್ಯನ ಕಿರಣಗಳು ನೇರವಾಗಿ ಬೀಳುವುದರಿಂದ ಇಲ್ಲಿ ವಾರ್ಷಿಕ ಉಷ್ಣಾಂಶ ಸರಾಸರಿ 27 ಡಿಗ್ರಿ ಸೆಲ್ಸಿಯಸ್ ಇರುತ್ತದೆ. ಹಗಲು ಅಧಿಕ ಉಷ್ಣಾಂಶದಿಂದ ಕೂಡಿದ್ದು ರಾತ್ರಿ ಹೊತ್ತು ವಿಕಿರಣಗಳಿಂದ ಉಷ್ಣಾಂಶವು ಕಡಿಮೆಯಾಗಿ ತಂಪಾಗಿರುತ್ತದೆ. ಗಾಳಿಯು ಸಮತಲವಾಗಿ ಚಲಿಸುತ್ತದಲ್ಲದೆ ಅತಿಯಾದ ತೇವಾಂಶದಿಂದ ಕೂಡಿರುತ್ತದೆ. ಕರಾವಳಿ ಪ್ರದೇಶದಲ್ಲಿ ಹೆಚ್ಚು ಭೂಗಾಳಿ ಮತ್ತು ಸಮುದ್ರಗಾಳಿಗಳು ಬೀಸುತ್ತವೆ ಈ ವಲಯದಲ್ಲಿ ಅಧಿಕ ಉಷ್ಣದಿಂದ ನೀರು ಕಾದು ಆವಿಯಾಗಿ ಸಂಜೆಯ ಹೊತ್ತಿಗೆ ಮಳೆಯಾಗಿ ಬೀಳುತ್ತದೆ. ಇಂತಹ ಮಳೆಯನ್ನು ಪರಿಸರಣ ಮಳೆ ಎನ್ನುವರು. ಅಲ್ಲದೆ ಈ ಪ್ರದೇಶದಲ್ಲಿ ವರ್ಷಾದ್ಯಂತ ಭಾರಿ ಮಳೆಯಾಗುತ್ತದೆ. ಮಾರ್ಚ್ ಮತ್ತು ಸೆಪ್ಟೆಂಬರ್ ತಿಂಗಳಿನಲ್ಲಿ 150 ರಿಂದ 300 ಸೆಂ.ಮೀ ವರೆಗೆ ಅತ್ಯಧಿಕ ಮಳೆಯಾಗುತ್ತದೆ. ಇಲ್ಲಿ ಅಮೆಜಾನ್ ಅರಣ್ಯ/ಸೆಲ್ವಾಸ್ ಮಾದರಿ ಕಾಡುಗಳು ಕಂಡುಬರುತ್ತವೆ. ಇವು ಸದಾ ಹಸಿರಾದ ನಿತ್ಯ ಹರಿದ್ವರ್ಣದ ಕಾಡುಗಳೆನಿಸಿವೆ. ಇಲ್ಲಿನ ದುರ್ಗಮ ಕಾಡುಗಳ ಕಾರಣದಿಂದ ಬೆಳಕು ಸರಿಯಾಗಿ ಭೂಮಿಗೆ ತಲುಪದೆ ಈ ಪ್ರದೇಶಗಳನ್ನು ಮಂದ ಬೆಳಕಿನ ಪ್ರ...

ವಾಯುಗೋಳ ಭೂಮಿಯ ಮೇಲ್ಮೈಯಲ್ಲಿ ವಾಯುವಿನಿಂದ ಕೂಡಿದ ಭಾಗವೇ ವಾಯುಮಂಡಲ. ಇದರಲ್ಲಿ ಮುಖ್ಯವಾಗಿ ಸಾರಜನಕ ( 78%), ಆಮ್ಲಜನಕ ( 21%), ಆರ್ಗಾನ್ ( 0.93%) ಮತ್ತು ಇಂಗಾಲ ( 0.03%) ಕಂಡುಬರುತ್ತವೆ. ಹವಾಮಾನ : ಒಂದು ನಿರ್ದಿಷ್ಟ ಪ್ರದೇಶ ದ ಒಂದು ನಿರ್ದಿಷ್ಟ ಕಾಲ ದ ವಾಯುಮಂಡಲದ ಸ್ಥಿತಿಯನ್ನು ಹವಾಮಾನ ಎನ್ನುವರು. ಹವಾಮಾನದ ಕುರಿತಾದ ಅಧ್ಯಯನವನ್ನು ಹವಾಗುಣಶಾಸ್ತ್ರ ( ಮೀಟಿಯರಾಲಜಿ ) ಎನ್ನುವರು. ಇದು ಅಲ್ಪಕಾಲಾವಧಿ ಯದಾಗಿರುತ್ತದೆ. ಒಂದು ದಿನ , ಒಂದು ವಾರ ಅಥವಾ ಒಂದು ತಿಂಗಳು . ವಾಯುಗುಣ : ಒಂದು ಪ್ರದೇಶದ ದೀರ್ಘಾವಧಿ ಯ ಹವಾಮಾನದ ಸರಾಸರಿಯನ್ನು ಅಥವಾ ಸಾಮಾನ್ಯ ಪರಿಸ್ಥಿತಿಯನ್ನು ವಾಯುಗುಣಶಾಸ್ತ್ರ ( ಕ್ಲೈಮೆಟಾಲಜಿ ) ಎನ್ನುವರು. ಸಾಮಾನ್ಯವಾಗಿ 30 ರಿಂದ 40 ವರ್ಷಗಳ ಅವಧಿಯದ್ದಾಗಿರುತ್ತದೆ. ವಾಯುಗುಣದ ಮೇಲೆ ಅಕ್ಷಾಂಶ ಮತ್ತು ಭೌಗೋಳಿಕ ಸ್ಥಾನಮಾನ , ಸಾಗರ ಪ್ರವಾಹಗಳು , ಭೂಸ್ವರೂಪ , ಸಮುದ್ರದಿಂದಿರುವ ದೂರ ಮತ್ತು ಸಮುದ್ರಮಟ್ಟದಿಂದ ಇರುವ ಎತ್ತರ , ಜ್ವಾಲಾಮುಖಿಗಳು ಮುಂತಾದವುಗಳು ಪ್ರಭಾವ ಬೀರುತ್ತವೆ. ಈ ವಾಯುಗುಣ ಎಂಬ ಪದವನ್ನು ಮೊದಲಬಾರಿಗೆ ಅಲೆಗ್ಸಾಂಡರ್ ವಾಮ್ ಹಂಬೋಲ್ಟ್ ಎಂಬಾತ ಬಳಸಿದನು. ವಾಯುಮಂಡಲದ ವಲಯಗಳು 1. ಪರಿವರ್ತನಾ ಮಂಡಲ (Troposphere) : ಭೂಮಿಯ ವಾಯುಗೋಳದ ಅತ್ಯಂತ ಕೆಳಗಿನ ಪದರವನ್ನು ಪರಿವರ್ತನಾ ಮಂಡಲ (ಹವಾಗೋಳ) ಎನ್ನುವರು. ನೀರಾವಿ , ನೈಟ್ರೂಜನ್ , ಅಕ್ಸಿಜನ್ , ಧೂಳಿನ ಕಣಗಳು ಈ ಪ್ರದೇಶ...